In pass impurtont per la Surselva.
Dapli traffic public per la Surselva naven dils 14 da december 2025.
Dapli traffic public per la Surselva naven dils 14 da december 2025.
Nicht Ihre Sprache? Hier zu Deutsch wechseln.
Da niev dat ei a Glion colligiaziuns mintg'ura entira e mintga mes'ura en tut las direcziuns.
La purschida vegn amplificada fermamein duront il di, la sera e la fin d'jamna.
Sin la lingia 411 Glion–Laax–Fidaz dat ei in tact da mes'ura denter las 5.00 e las 22.00.
Ella Lumnezia Davon dat ei cuors circulars sin la nova lingia 449; numerus vitgs sco Degen, Murissen e Luven survegnan per l'emprema ga in access al traffic public permanent duront la fin d'jamna.
Agl urari online
Allas midadas digl urari generalas el Grischun
Da niev dat ei sil tschancun Cuera–Glion mintga mes'ura ina colligiaziun denter las 07.00 e las 20.00. Ei valan novas uras da partenza e d'arrivada.
Ellas staziuns dalla Ruinaulta seferman ils trens mintg'ura:
Sil tschancun Glion-Mustér-Dieni curseschan ils bus dalla lingia 420 mintga di en in tact dad in'ura. En cumbinaziun cun las colligiaziuns da tren dat quei in tact da mes'ura denter Glion e Dieni denter 06.00 e las 20.00. A Glion ein las colligiaziuns da/a Cuera aschia aunc pli confortablas.
La nova staziun da cruschada Tscheppa a Sedrun garantescha dapli stabilitad digl urari e punctualitad. Quei possibilitescha colligiaziuns pli segiras a Mustér als trens dalla Viafier retica e dalla Viafier Matterhorn-Gottard.
Gliendisdis-venderdis: La purschida vegn cumpletada cun novs cuors la damaun e la sera naven da Versomi Posta e Thalkirch. Grazia allas meglieras colligiaziuns ed ils temps da midar optimai survegn il vitg da Tenna ina purschida pli attractiva. Era ils cuors per scolaras e scolars vegnan optimai el rom dil niev concept d'urari.
Sonda e dumengia: Sin la lingia 401 curseschan denter las 06.00 e las 20.00 bus en in tact da duas uras. A Versomi-Stussavgia dat ei novas e meglieras colligiaziuns per viagiar en direcziun da Cuera e per part era en direcziun da Glion. Ei vegn era a dar colligiaziuns pli confortablas alla Viafier retica naven da Cuera e per part naven da Glion ella Val Stussavgia.
Gliendisdis–venderdis: Duront ils temps da grond traffic dat ei ina colligiaziun mintg'ura. Ils cuors per scolaras e scolars denter Valendau e Versomi ein vegni optimai. Ils temps da menaschi vegnan prolunghi denter las 06.00 e las 20.00.
Sonda e dumengia: Da niev dat ei in tact da duas uras denter las 07.00 e las 21.00 cun colligiaziun a Versomi-Stussavgia als trens dalla Viafier retica.
Il niev urari porscha colligiaziuns supplementaras a Glion en direcziun da Cuera e Mustér.
Gliendisdis-venderdis: Da niev curseschan denter Glion e Sevgein 13 autos da posta en omisduas direcziuns. Da quels van diesch autos da posta tochen Riein ed anavos. Duront ils temps da grond traffic dat ei in tact da mintg'ura. Ils temps da menaschi valan da niev dallas 06.00 tochen las 20.00. Ils cuors per scolaras e scolars vegnan optimai.
Sonda e dumengia: In tact da 90 minutas denter las 7.00 e las 20.00. Las sondas en cumbinaziun cun Schluein, Isla.
Il niev urari porscha colligiaziuns supplementaras a Glion en direcziun da Cuera e Mustér.
Mintga di: Ils autos da posta curseschan da niev sin la lingia Glion–Laax–Fidaz. Igl urari vegn amplificaus fermamein. Sin igl entir tschancun vala in tact da mes'ura denter las 05.00 e las 21.00. A Laax Posta dat ei colligiaziuns optimadas sin la lingia 081, per exempel en direcziun da Falera.
Sil tschancun Glion–Mustér–Dieni vegn la purschida augmentada fermamein. Per incumbensa dalla Viafier retica e dalla Viafier Matterhorn-Gotthard curseschan ils autos da posta mintga di en in tact dad in'ura sin la lingia 420. En cumbinaziun cun las colligiaziuns dils trens dat quei in tact da mes'ura denter Glion e Dieni denter las 06.00 e las 20.00.
Gliendisdis–venderdis: Sin quei tschancun dat ei in tact dad in'ura cun largias. Ils temps da menaschi vegnan extendi dallas 06.00 tochen las 20.00. Ils cuors per scolaras e scolars vegnan optimai. Igl avonmiezdi ed il suentermiezdi sa il tact variar. Fagei aschi bien e consultei igl urari.
Sonda e dumengia: Ils cuors sin la lingia 421 vegnan extendi denter las 06.00 e las 20.00 ad in tact da duas uras. Duront il temps da grond traffic vegn la lingia 421 cumbinada cun la lingia 422 per optimar la purschida.
Il niev urari porscha colligiaziuns supplementaras a Glion en direcziun da Cuera e Mustér.
Gliendisdis–venderdis: Sin la lingia 422 vegn igl urari amplificaus ad in tact dad in'ura denter las 06.00 e las 21.00. Igl avonmiezdi ed il suentermiezdi sa il tact variar. Fagei aschi bien e consultei igl urari.
Sonda e dumengia: Igl auto da posta cursescha denter las 06.00 e las 21.00 en in tact da duas uras. Denter las 6.30 e las 8.30 sco era denter las 14.30 e las 18.30 en in tact dad in'ura. Da niev dat ei in cuors supplementar dallas 20.34 naven da Glion, Staziun/Posta.
Il niev urari porscha dapli colligiaziuns naven da Glion en direcziun da Cuera e Mustér.
Gliendisdis–venderdis: Igl urari sin la lingia 423 vegn amplificaus. Da niev dat ei denter Glion e Pigniu tschun cuors d'autos da posta. Ils temps da menaschi vegnan extendi dallas 07.00 tochen las 17.00. Fagei stem dallas differenzas el tact e consultei igl urari.
Sonda e dumengia: Da niev dat ei denter Glion e Pigniu treis cuors d'autos da posta.
Il niev urari porscha dapli colligiaziuns en direcziun da Cuera e Mustér.
Igl urari sin la lingia 424 vegn amplificaus. Da niev curseschan ils autos da posta en mintga direcziun tochen 18 ga al di. Quei dat in tact dad in'ura denter las 06.00 e las 21.00. Ils cuors per scolaras e scolars ein vegni optimai en cumbinaziun cun la lingia 461. Il niev urari porscha a Glion dapli colligiaziuns en direcziun da Cuera e Mustér.
Gliendisdis–venderdis: Igl urari sin la lingia 431 vegn amplificaus. Da niev curseschan ils autos da posta 17 ga en mintga direcziun. Quei dat in tact dad in'ura che vegn extendius cun cuors supplementars ad in tact da mes'ura. A Glion ein las colligiaziuns alla Viafier retica optimadas en omisduas direcziuns.
Duront la stagiun da stad cursescha igl auto da posta da niev mintg'ura denter las 8.30 e las 15.30 naven da Glion, Staziun/Posta en direcziun da Val, Zervreila e denter las 10.20 e las 17.20 naven da Val, Zervreila.
Gliendisdis–venderdis: Il niev urari porscha colligiaziuns sin la lingia 431 en direcziun da Glion. Las singulas colligiaziuns directas naven da Duin en direcziun da Glion risguardan ils basegns dallas scolaras e dils scolars.
Sonda e dumengia: La Lumnezia Davon survegn novs cuors circulars la fin d'jamna naven da Glion. Per dapli informaziuns consultar la lingia 449.
Gliendisdis–venderdis: Igl urari s'orientescha als basegns dallas scolaras e dils scolars. Igl auto da posta cursescha denter Vella, Posta e Camuns, spv. Per satisfar agl urari da scola va igl auto da posta la damaun, da miezdi e per part era il suentermiezdi via il vitg da Tersnaus.
Sonda e dumengia: Ella Lumnezia Davon dat ei novs cuors circulars la fin d'jamna naven da Glion. Per dapli informaziuns consultar la lingia 449.
Gliendisdis–venderdis: Igl urari sin la lingia 441 vegn amplificaus. Da niev curseschan ils autos da posta duront ils temps da grond traffic 21 ga en mintga direcziun. Quei tact dad in'ura vegn extendius ad in tact da mes'ura duront il traffic da pendularias e pendularis. A Glion ein las colligiaziuns alla Viafier retica vegnidas optimadas en omisduas direcziuns.
Ils novs cuors extendi curseschan denter Vignogn e Glion e viceversa. A Vignogn seferman ils autos da posta alla nova fermada Baselgia.
Naven dallas 19.30 san tut ils cuors dalla sera denter Glion e Vella vegnir duvrai senza restricziuns per entrar e sortir. Naven da Vella en direcziun da Vrin vala la sera vinavon la regla «fermada mo per sortir».
Fagei stem che la purschida ei differenta la stad ed igl unviern.
Gliendisdis–venderdis: Sin la lingia 442 dat ei in tact dad in'ura cun largias denter las 06.00 e las 20.00. Denter las 08.00 e las 19.00 curseschan ils autos da posta tochen Schluein, Isla.
Sonda e dumengia: Luven survegn novs cuors circulars la fin d'jamna naven da Glion. Per dapli informaziuns consultar la lingia 449.
La lingia 444 da tochen dacheu vegn integrada da niev ella lingia 443. Ils autos da posta curseschan da niev sil tschancun Degen–Vella–Murissen.
Gliendisdis–venderdis: Denter las 06.00 e las 19.00 vala in tact dad in'ura che vegn extendius la damaun e la sera ad in tact da mes'ura. Fagei stem dall'obligaziun da reservar che vala per divers cuors dad AutoDaPosta.
Sonda e dumengia: La Lumnezia Davon survegn novs cuors circulars la fin d'jamna naven da Glion. Passagieras e passagiers naven da Degen han a Vella, Posta ina colligiaziun en direcziun da Vrin. Per dapli informaziuns consultar la lingia 449.
La lingia 444 vegn integrada da niev ella lingia 443 Degen–Vella–Murissen.
Sonda e dumengia: La nova lingia 449 ei in cuors circular dalla fin d'jamna. Ils vitgs da Luven, Duin, Pitasch, Camuns, Peiden, Murissen e Degen survegnan l'emprema ga in access al traffic public duront l'entira fin d'jamna.
Ils autos da posta curseschan en in tact da duas uras ella direcziun dall'ura ed ella direcziun cuntraria dall'ura. La lingia cursescha sil tschancun Glion–Luven–Murissen–Vella–Degen–Peiden–Camuns–Duin–Pitasch–Glion. A Glion dat ei colligiaziuns optimalas en omisduas direcziuns.
Gliendisdis–venderdis: Igl urari sin la lingia 451 vegn amplificaus. Da niev curseschan ils autos da posta 20 ga al di en mintga direcziun. La damaun e la sera vegn la purschida denter Glion e Sursaissa, Meierhof Posta extendida cun cuors directs ad in tact da mes'ura.
Da niev cursescha igl auto da posta en in tact dad in'ura da Glion via Surcuolm, Meierhof e St. Martin a Miraniga. La damaun e la sera vegn la lingia extendida cun in cuors direct naven da Glion tochen Meierhof Posta cun ina colligiaziun tochen Miraniga.
Fagei stem che la purschida ei differenta la stad ed igl unviern.
La damaun ed il suentermiezdi curseschan ils autos da posta tschun ga naven da Meierhof Posta tochen alla staziun da Tavanasa-Breil ed anavos, nua ch'ei dat colligiaziuns en direcziun da Glion e Mustér. Las scolaras ed ils scolars naven da Tavanasa en direcziun da Sursaissa survegnan per l'emprema ga colligiaziuns per lur via da scola.
Gliendisdis–venderdis: Igl auto da posta cursescha denter las 06.00 e las 21.00 en in tact dad in'ura cun singuls cuors supplementars la damaun.
Sonda e dumengia: Ils autos da posta sin la lingia 90.461 curseschan mintg'ura denter las 06.00 e las 20.00.
Niev: Las colligiaziuns alla Viafier retica ni alla lingia dad AutoDaPosta 420 naven da Tavanasa-Breil en omisduas direcziuns semigliureschan fermamein.
Gliendisdis–venderdis: Ils temps da menaschi vegnan extendi dallas 06.00 tochen las 18.00.
Sonda e dumengia: Da niev curseschan denter Trun e Schlans treis autos da posta en omisduas direcziuns.
Gliendisdis–venderdis: Igl urari sin la lingia 472 vegn amplificaus. Da niev curseschan ils autos da posta nov ga al di en mintga direcziun.
Sonda e dumengia: Da niev curseschan treis autos da posta denter Zignau e Trun en omisduas direcziuns. Igl uclaun Campliun ei integraus ella lingia 420.
Las colligiaziuns ein indicadas egl urari.
Sin las suandontas lingias cun obligaziun da reservar saveis Vus reservar ils autos da posta via l'app SBB Mobile ni ils uraris online gratuitamein:
Buca mo ella Surselva, mobein era el rest dil Grischun vegn la purschida dil traffic public amplificada fermamein e Vus profiteis da biaras meglieraziuns.
Dapli traffic public per la Surselva cun la midada digl urari. Testai ussa Vossa savida e gudignei cun in tec cletg in BÜGA.
La participaziun ei gratuita e nunligionta. Las victuras ed ils victurs vegnan informai en scret. In pagament en bar dils premis ei buca pusseivels. Davart il trer la sort vegn menau negina correspondenza e la via legala ei exclusa. Las datas persunalas vegnan tractadas a moda confidenziala e buca transmessas a tiarzs.
Nus tenin ils polischs.
Las victuras ed ils victurs vegnan informai per e-mail.
Cun transmetter Vossas datas ha ei dau in sbagl.
Empruei aunc ina ga ni contactei nus via info@invia.ch
